Motanyag ang kagamhanang lokal sa syudad sa Cagayan de Oro og reward-money alang sa makatudlo o makahatag og impormasyon sa suspek o sa nagpaluyo sa pagpusil-patay sa anak ni Congressman Rolando Uy nga si barangay Carmen Kagawad Roland “Tawee” Uy ug sa caretaker niini nga si Samuel Pabalan sa quarry site sa Zone 1 barangay Pagatpat ning syudad.
Gibutyag ni City Mayor Oscar Moreno nga gi-proseso na ang reward money ug nakig-koordinar na sila sa gi-organisa nga Task Force.
Katuyuan sa maong lakang nga mapadali ang pagsulbad sa nahisgutan nga kaso kung asa gitawag kini sa mayor nga brutal nga krimen.
Gawas niini, gitawag sab ni Mayor Moreno nga walay pulos ug barbaric ang mga gapakatag sa nagkadaiyang espekulasyon sa kamatayon ni Kagawad Tawee.
Naglaom si Mayor Moreno nga pinaagi sa pagtugyan sa imbestigasyon ngadto sa otoridad ma-angkon gilayon sa pamilyang Uy ang hustisya.