Pursigido ang kagamhanang lokal sa Cagayan de Oro nga masugdan na ang barangay vaccination program aron mapataas ang vaccination coverage ug makab-ot sa mas dali nga panahon ang herd immunity batok COVID-19.
Sumala ni City Mayor Oscar Moreno nga ang pagpatuman sa barangay vaccination mamahimong i-clustering depende sa populasyon sa barangay.
Sulod sa barangay vaccination matag adlaw mo-target ang syudad og 2,000 ka tawo nga mabakunahan gawas pa sa 6,000 ngadto sa 7,000 nga target nga mabakunahan sa mga mega sites vaccination.
Gi-angkon sab sa Mayor nga sa pagpapatuman sa maong inisyatibo, daghan hagit ug lakip niini ang availability sa bakuna, vaccination team, pagbutang og marshalls, ug kooperasyon sa katawhan.