Naghalin sa ila sini kaugalingon nga bulsa ang pundo sa renovation sang mga comfort rooms nga air conditioned sa kapitolyo probinsyal.
Ini ang ginpaalinton ni Provincial Administrator Atty. Rayfrando Diaz II. Suno kay Diaz sila nga duha ni Governor Eugenio Jose Lacson ang nagbudget para mapakaayo ang mga CR’s sa capitol building lakip na ang pagpa-aircon sini kun sa diin ang mga materyales ang ginapa-canvass sa architect sang probinsya.
Sandig kay Diaz, iban nga mga materyales para sa renovation ang wala madala ukon malakip sa budget sa mga repairs nga ginapatigayon sa kapitolyo.
Para sa Provincial Administrator ang nasambit nga proyekto ang diutay nga bulig para sa mga empleyado kag sa mga bisita sang probinsya …// Ginpaalinton ni Diaz, indi usik sa kuarta ang nasambit nga renovation apesar plastado na ang pagsaylo sang Kapitolyo sa ciudad sang Talisay.