Base kay DILG Iloilo Provincial Director Teodora Sumagaysay, madugang it quarantine facility ro San Miguel LGU agud malikawan ro overcrowding sa mga naka quarantine sa nasambitan nga banwa.
Kasunod raya sa reklamo it sambilog ka naka-quarantine. Base sa nagreklamo overcrowded ag bukon it manami ro sistema nga ginapatuman sa quarantine facility it banwa.
Sa una nga palapag it pasilidad, hay ro mga indibidwal nga nagpositibo sa virus. Samtang, sa pangaywa nga palapag man hay nakataeana para sa mga locally stranded individuals, returning overseas Filipinos, ag APORs nga nagahueat it andang RT-PCR Test results.
Magasumite it special report kay Sumagaysay ro Municipal Local Government Operations Officer it San Miguel nga nagadetalye it mga kakulangan sa nasambitan nga pasilidad./JIL B. LACSON