Arestado ro sambilog ka eaeaki nga naga-extra eamang bilang construction worker sa operasyon it Criminal Investigation and Detection Group (CIDG)-Capiz sa Sitio Kabulakan, Barangay Cogon, Roxas City.
Gatinangis nga nadakop si Joseph Apa-ap alyas Dodoy Kipat, 24 anyos, residente it Isla Bonita, Barangay Tanque.
Narekober sa ana ro sambilog ka unit it homemade shotgun, daywa ka baea, sambilog ka magazine ag kapin sa P4,000 marked money.
Base kay Apa-ap, ginsugo man eang imaw it ginakieaea nga si alyas Uno nga ibaligya ro nasambitan nga armas sa balor nga P6,000.
Sa presente, sa custodial facility it CIDG-Capiz ro suspek ag nagapangatubang sa kaso nga pageapas sa Comprehensive Firearms and Ammunition Regulation Act o Republic Act 10591./JIL B. LACSON