Umpisa Pebrero 23, 2022, ro mga turista sa Malay hay ginapasugtan eun nga magpili it mga alternatibong destinasyon agud bisitahon ro mga nakatago nga tourist destination sa nasambitan nga banwa maliban sa ilsa it Boracay.
Kasunod raya sa ginpaguwa nga Executive Order 01-B it lokal nga gobyerno nga nagapasugot sa mga turista nga mag-side trip sa mainland Malay.
Pero mga nabakunahang turista eamang ro may tsansa nga maranasan ro kultura ag kanami it mga tourist spots sa banwa ngara.
Pwede nga adtunan it mga turista ro Motag Museum, Nagata Falls sa Nabaoy, Pangihan Cave sa Poblacion, Agnaga Mini Falls, Cold Spring sa Kabulihan, Nabaoy River sa Nabaoy, Malay Ecological Park sa Argao, ag Naasug Point sa Naasug para sa kanilang adventure-packed na mga biyahe./JIL B. LACSON