Sugod karong adlawa mamahimo na nga maka palit og maka inom og ilimnong maka hubog sa Davao City human gipakanaog ni Mayor Inday Sara Duterte Carpio ang Executive Order no. 59 nga unod sa maong mando ang pag patuman sa modified liquor ban dinhi sa syudad sa Davao nga mo lungtad hangtod Enero 15, 2022.
Epektibo kini sugod unyang tungang gabi-e alas 12:01am oktobre 26 hangtod alas 11:59 sa Enero 15 2022 apan mamahimo lamang mag inom sa mga pribadong lugar og ipatuman gihapon ang liquor ban alas 1:00 sa kaadlawon hangtod alas 8:00 sa buntag.
Dili gihapon mamahimong maka operate ang mga imnanan sama sa bars, restaurants, sari-sari stores, palengke (wet market), videoke og uban pa nga mga business establishments human na patik sa section 2 ubos sa maong E.O ang kamanduan og lakip sa gibawal ang pag inom og ilimnon nga maka hubog sa pampubliko nga lugar sama sa daplin sa dalan, parke, path way og gawas sa gate sa mga pinuy-anan.