BNFM BICOL—Puminakol na sa labi 130,000 na mga indibidwal sa islang probinsya nin Catanduanes an nabakunahan na kontra COVID-19 basado sa pinakahuring report kan Provincial Health Office.
Sa nasambit na numero, 67,237 katawo an naka resibe na kan first dose nin bakuna mantang 46,131 digdi ang fully vaccinated na kontra sa helang, kabali na ang mga nag resibe nin one shot Janssen COVID vaccine.
Huli kaini, nasa 24% na nin population coverage an natudukan nin bakuna hale sa labi 190,000 na target population.
Dawa ngani medyo may karayuan pa antes na maabot an herd immunity, labo-labo asin sibot-sibot man giraray an mga health workers sa pagkundusir nin vaccination roll-out sa manlaen-laen na banwaan sa probinsya.
Mientrastanto, nasa labi 120,000 doses naman nin mga bakuna ang naresibe kan Catanduanes gikan sa national government na kinababalihan kan Sinovac, AstraZeneca, Janssen,Pfizer asin Moderna.