Naisama na ang mga liquefied petroleum gas dealers, retailers at attendants sa ilalim ng A4 priority group sa listahan ng COVID-19 vaccine beneficiaries.
Maliban dito, sinabi ni presidential spokesman Harry Roque na inirekomenda ng Inter-Agency Task Force technical working group ang pagsali sa mas marami pang grupo.
Kabilang umano sa mga ito ang frontline employees ng business process outsourcing industry at frontline employees ng Commission on Elections.
Kaugnay nito, inirekomenda rin ng technical working group ang priority vaccination para sa mga atleta, coaches, delegado at mga opisyal na papuntang Tokyo Olympics at Southeast Asian Games. // MHEL PACIA