KORONADAL CITY- MAGSASAGAWA ang Land Transportation Office o LTO Region 12 ng Free 15 hours Theoretical Driving Course o TDC eksklusibo para sa mga indigent na mga indibidwal.
Ito ay isasagawa sa September 7 hanggang September 9, alas-8 ng umaga sa LTO Regional Office 12 Building sa Purok Yellowbell, Barangay Sta.Cruz, Koronadal City.
Ang mga interesadong mag-avail ng libreng TDC ay dapat magdala ng mga sumusunod na mga documentary requirements: PSA o NSO authenticated birth certificate, certificate of indigency mula sa barangay, valid government issued identification card, at PSA o NSO authenticated marriage contract para sa mga married na mga kababaihan.
Hindi tatanggapin ang mga may kulang na dokumento.
Napag-alaman na ito ay first come, first served basis.
Ang TDC ay isa sa mga requirements ng LTO para sa mga nais kumuha ng student permit.
