Nagpaalala ang Local Vaccination Operation Center o LVOC ng Olongapo sa mga magpapabakuna kontra covid-19.
Ito ay dahil ang tatanggapin lamang sa vaccination site ay ang mga indibidwal na nakapagrehistro at mayroong schedule sa LVOC.
Ipinagbabawal kasi ang walk-in para maiwasan ang mass gathering sa site na maaaring pagmulan ng hawaan ng virus.
Samantala, ngayong linggo ay target matapos ang pagbabakuna sa mga senior citizen at persons with comorbidity para maisunod ang iba pang nasa priority group.
Ang mga Overseas Filipino Workers naman ay pinapayuhang makipag-ugnayan sa Local Vaccination Operation Center para sa schedule.//Jen Bayot-BNFM OLONGAPO
