Binaril ru mag-ama sa balcony it kaugalingon nga panimaeay sa Brgy. Biga-a, Malinao, Aklan.
Sa pahayag ni PSSgt. Eric Banes it Malinao MPS, nakilaea ru mag-ama nga sanday Jimmy Gregorio, 56 anyos ag sangka 17 anyos nga menor de edad, tanan mga residente it nasambit nga lugar.
Samtang, gina turo nga suspek si Ronnie Naig, sa legal nga edad ag residente man it nasambit nga lugar.
Naka angkon it tamat pag baril sa waea ag tuo nga ilokon ru ama samtang sa alima man ru menor de edad.
Sa imbistigasyon, alas 10:00pm, Hulyo 15, natabo ru insidente matapos nga mag-inuman ag mag diskusyon sa tunga it biktima ag suspek.
Nabati-an it menor de edad rason nga gin sueang na si tatay na ag dungan sanda nga mag-uli sa andang panimaeay.
Kat idto eon sa balcony, gulping binaril it suspek ru mag-ama.//MARIVIC Y. ILIN