Wala na natabang sa mga doctor ang duha ka mga driver sa motorsiklo human nga naaksidente alas-11:40 Sabado sa gabii sa Purok 23, Barangay Poblacion, Magsaysay Davao del Sur (Matanao-Magsaysay Road).
Sa inisyal nga imbestigasyon sa Magsaysay Police station, unang nadisgrasya ang usa ka Dominic Pari Si Cayon alyas James, 18 anyos ug residente sa Relocation site, Purok 7, Barangay Balnate, Magsaysay, Davao Del Sur.
Gisubay sumala pa sa bitkima gikan sa Matanao paingon sa direksiyon sa Magsaysay.
Apan sa dihang pag abit sa duol sa Rivera Residence sa nahisgutang lugar partikular na sa kurbadahong bahin sa karsada, nawad-an og kontrol ang drayber sa gimanehong motorsiklo ug na-overshoot dayon naigo sa punoan sa Camachile ug nahulog sa sapa.
Tungod niini, walay panimuot ang drayber og samtang ang mga residente sa palibot kung diin asa na disgrasya ang biktima dali dayon kini nilang gitabang.
Bandang alas 12:10 na sab sa kadlawon, kagahapong adlawa, Hulyo 9, 2023 lain na sab ang nadisgrasya nga motorsiklo nga gimaneho ni Ryan Purog Pari, ulitawo, 28 anyos, mag-uuma ug residente sa susamang lugar.
Sumala pa nga paspas kini nga nagpadagan sa samang direksyon gikan sa Matanao paingon sa direksyon sa Magsaysay na-overshoot usab ang biktima ug naigo sa punoan sa Camachile dayon nahulog sa sapa ug nakaangkon og grabeng pangos ug bun-og sa lawas.
Dali dayon nga gidala sa MDDRMO rescuer ang duha ka drayber sa balay tambalan apan gi deklara kining Dead On Arrival sa doctor.
Nasayran nga ang mga biktima wala nagsuot og helmet ug nasayran nga mag paryente kini ug gikan nag disco sa Barangay Blocon, Magsaysay Davao del Sur.
Padaon na lamang ang pahimangno sa kapulisan ngadto sa mga motorista nga kanunay magsuot og helmet ug mag amping kanunay sa kadalanan aron malikay sa disgrasya.