Gipaklaro sa Bansalan Municipal Police station nga wala nagsunog sa iyang kaugalingon ang usa ka ulitawo sulod sa iyang balay sa Brgy Linawan, Bansalan, Davao del Sur pasado alas-8:00 Sabado sa gabii.
Sa dugang imbestigasyon sa otoridad, pinaagi sa saysay sa igsoon sa biktima nga nailang si Almiko Jason Burlaza Alilin, 21 anyos, ulitawo ug residente sa Purok 1, Brgy Linawan, Bansalan, nga na-over charged nga cellphone ang hinungdan sa pagka-ugdaw sa balay sa biktima nga lakip siya nasunog.
Una nang gikareport nga nagbahad nang daan ang biktima nga kutloon niini ang kaugalingong kinabuhi.
Una paman nahitabo ang maong insedente, nakig-inom pa kini kauban ang mga barkada ug paryente. Human og inum niuli sumala pa kini sa ilang balay ug didto na nahitabo ang sunog.
Wala pa matino sa Bureau of Fire protection sa damyos sa maong sunog, samtang ang patay’ng lawas sa biktima ang anaa gipahimutang sa Brillantes Funeral Parlor, sa Bansalan, Davao del Sur.BNFM-DAVAO