GIPAILAWOM na sa ‘state of calamity’ ang Maitum, Sarangani dungan sa guba nga balay, imprastraktura, agrikultura ug livestock nga gibilin sa pag-overflow sa Pangi River dungan sa pag-ulan nga dala sa left by Low Pressure Area (LPA).
Giaprubahan sa konseho sa munisipalidad ang rekomandasyon sa Municipal and Provincial Disaster Risk Reduction and Management Council alang sa calamity declaration.
Miyerkules, gipangayo ni Mayor Alexander Bryan Reganit sa municipal council ang pagpahigayon og special session aron ipasar ang importanteng resolusyon.
Sa bana-bana sa mayor, naa sa 2,000 ang apektado sa baha asa 100 niini ang naanod sa kusog nga baha.
Mokabat usab sa kapin kulang P200 milyon guba sa imprastraktura ug naa sa P50 milyon ang damyos sa agrikultura ug livestock.
Gamit nila ang pondo alang sa residente nga naguba ang balay tungod sa pagbaha.
Ang municipal social welfare and development office ang nag-inspeksyon ug nakumpirma sa listahan sa mga makadawat og financial assistance.
“We declare na kanina via Sangguniang Bayan resolution, kasi hindi naming kaya yung infra atleast magamit naming yung ibang funds para sa mga taong apektado,” asoy ni Reganit.
Una nang gibutyag sa mayor nga gikan sa 19 ka barangay sa Maitum naa sa 15 niini ang apektado.
Naa sa P4, 570,000 ang kinatibuk-ang quick response fund sa nasangpit nga munisipalidad. Ang deklarasyon sa state of calamity ang magbutang sa lugar og sukod sama sa prize freeze sa basic goods ug gimanduan ang kapulisan nga siguradohon nga masunod ang price controls.