Ginsamitan ni PLTCOL Dainis O. Amuguis, Officer-In-Charge it Malay PNP ag isaea man ka instructor it SWAT Training ag UCRWC ro ikasarang it Malay PNP SWAT Unit pinaagi it firearms exercises, tactical planning ag close-quarter battle drills.
Tinutuyo it nasambit nga aktibidad nga pabaskugon ro abilidad ag kasayuran it SWAT Team sa Close Quarter Battle, Pistol and Rifle Marksmanship, ag Tactical Assault Techniques.
Suno kay PLTCOL Amuguis, ro isla it Boracay hay nagapangunang tourist destination nga may mabahoe nga kontribusyon sa nasyun, ngani dapat nga gampanan it Malay MPS ro andang misyon para mapabilin nga salbar ro mga turista ag kaayusan sa isla ag bilog nga banwa it Malay.
Si PLTCOL Amuguis hay graduate it Special Action Force (SAF) Urban Counter Revolutionary Warfare Course (Sureshock) ag Crisis Response Team Training sa Moyock, North Carolina ku 2011 ag sa Montross, Virginia ku 2012. // ANN DESLENE SALAZAR