NAGHATAG pagpaklaro ang usa ka manager sa gasolinahan sa General Santos City kabahin sa pag usbaw sa presyo sa lana.
Sa paghinabi sa Brigada Brigada Gensan kay Renante Suico gikan sa Pantukan, Davao De Oro nga ang ilang amo distributor og gasolina apan dili sila ang naga control sa presyo sa lana, igo lang sila mosunod kon adunay mando nga motaas o mopaubos sa presyo.
Dili usab niini mabana-bana kon pila ka adlaw nila mapahurot ang usa ka storage tank nga adunay sulod 15,000 ka litro sa gasolina o krudo,basta gipasalig niini nga kon adunay rollback mauna sila sa pagpatuman niini.
Usa ka driver nga si Belmar Quiñones nagpatubil ug sumala niini nga sa una duha ka litro ang iyang ginatubil apan karon usa nalang kay kapin saysenta pesos naman ang usa ka litro.
Kahibaluan nga sa miaging adlaw nga Martes nisaka ug P1.20 ang krudo samtang 50 sentimos sa gasolina. I Ver Diazon