Gin-capacitate sang DepEd Capiz Division ang mga manunudlo sa posible mangin epekto sang mataas nga heat index sa mga buluthoan sa probinsya.
Sa interview kay Division Information Officer Glenda Marie Botin, ginpahayag sini nga nagpatigayon sila sang nakaligad nga Marso 25-26, 2024 sang convergence of education leaders ukon meetings kag orientation sa pagpanguna ni Division Superintendent Mac Miguel Aposin kag Division Medical Officer Dr. Joy Arnold Talabucon-Lejos.
Ini agud hatagan sang ihibalo ang mga school heads kag manunudlo sa tion nga maka-encounter sila sang mga hitabo kaangay sang paglingin sang ulo kag iban pa para mangin santo man sa kun ano ang maayo nila nga buhaton.
Nagapangayo man si Botin sang kooperasyon, pag-intindi, kag pagbulig sa tanan nga mga stakeholder ilabi na sa mga ginikanan para sa ikaayo sang mga kabataan.| Ken Mark Deala Gicalde