GIKUMPERMA sa labaw sa City Engineering Office nga mas daku na karon ang multa sa mga contractor nga nagapabaya sa ilang mga Proyekto subay sa bag-ong patakaran.
Sa pahayag ni Engr. Emerald Signar sugod tuig 2018 adunay gipagawas nga patakaran ang Government Procurement Policy Board nga wala nay limit sa liquidated damages dili na ma-limit sa 10 percent.
Kon kaniadto anaa lang taman sa 10 percent ang penalty pasabot nga kon P1 million ang proyekto anaa lang sa P100,000 pesos ang penalty kon may kalangay sa trabaho apan sa karon ang one tenth of 1 percent , i-multiply na kon pila ka adlaw sa delayed hangtud sa termination o sa adlaw nga nahuman ang proyekto kon wala pa ma-terminate ang project, mao nga dagku na ang ginapahamtang nga multa.
Sa unang panahon anaa lang sa P200,000 pesos ang pinakadaku nga ilang napahamtang nga liquidated damages sa contractor apan sa karon minilyon na.
Gigugang ni Signar nga gituyo nga padak-an ang multa apan nakita niini nga murag walay epekto kay daghan man ang mga proyekto sa syudad ang nalangay ug gibiyaan sa mga contractor mao nga ilaha na nga gipa- terminate ang kontrata.
Bisan sa pagpatawag sa City Engineers wala gayod nisipot ug naghatag rason ang mga contractor nga namiya sa proyekto mao nga gipa-blacklist na.
Gumikan na blacklist na ang upat ka contractor dili na sila maka-apil sa unsa mang bidding sa proyekto sa bisan asa nga dapit sa nasud kay gi- post na nila sa Blacklisting Portal.
Kahibaluan nga ang na-blacklist na nga contractor mao ang Iyada Builders and Enterprises, Isulan ECT Construction and General Merchandise, DUBC Construction Corporation ug ang Amazing find Builders Corporation. ( Ever Diazon)