NAGTAGBO ang Market Administration aron subling manukad sa planong One time Big time nga Clearing Operation batok sa mga Vendors sa palibot sa Merkado Publiko.
Sa kumpermasyon ni Market Supervisor Lito Escalmado sa October 1, 2021 ang ilang target nga petsa sa One Time Big Time Clearing Operation isip subling pag-implementa sa paghawan sa mga parking areas ug sa mga vendors.
Gidugang ni Esclamado nga tanan nga nakaharang ilahang tangtangon unya kabahin sa mga nagalaray nga sa ilang bana-bana anaa sa 300 ka mga tawo ilang ipabalhin sa Alunan aron didto na magtinda sa ilang baligya.
Samtang human sa clearing operation ang ilaha daw buhaton butangan og markings ang parking areas aron ma-arrange ug mahapsay na kay dugay na nga ginareklamo ang kaguot sa mga dalan sa palengke.
Ang laing rason ni Esclamado mao ang pag-control sa mga tawo sa kadaghanon kay ginapatuman ang social distancing tungod sa pandemya, mao daw kini ang ilang matampo sa Local Inter-Agency Task Force nga naga paningkamot nga malikayan ang kusog nga local transmission sa Covid-19 virus.
Gikumperma ni Esclamado nga kuyog nila sa meeting ang bag-ong Operation Officer sa Public Market nga si Voltaire Tiu, naa usab si Kapitan Rock Garay ug ang sakop sa Public Safety office.
Pinaagi sa media ginapahibalo ni Esclamado ang ilang plano aron nga makahibalo ang mga tawo sa ilang subling ikasa nga plano sa Clearing Operation. ( Ever Diazon)