LEGAZPI CITY – Naghahanda na sa darating na pasukan ang Municipal Disaster Risk Reduction and Management Council (MDRRMC) Education Cluster ng Camalig para sa mga apektadong lugar dahil sa pag-aalburuto ng Bulkang Mayon.
Bilang paghahanda para sa school year 2023-2024 na nakatakdang magsimula sa Agosto 29, ang mga miyembro ng education cluster ay nagsagawa ng pagpupulong kasama ang mga apektadong school heads at functionaries, para talakayin ang mga planong aksyon hinggil sa paglikas, relokasyon, ngayong nalalapit na ang pagbubukas ng mga paaralan.
Ang pagpupulong ay may layuning ipa-intindi sa iba’t ibang paaralan sa bayan kabilang ang, Bariw Elementary School (ES), Bariw National High School (NHS), Anoling ES, Taladong ES, Baligang ES, at Comun ES ay kasalukuyang nagsisilbing evacuation centers.
Sa pagpupulong, binigyang-diin ni MDRRMO Chief, Rommel V. Negrete, Jr., na walang decampment na may bisa sa kabila ng 78 araw ng paglilipat ng mga internally displaced persons (IDPs)/evacuees dahil sa patuloy na pagmamasid sa mga panganib sa bulkan.
Muli ring kinumpirma ni Negrete ang pag-apruba ng Sangguniang Panlalawigan ng Albay (SPA) sa isang ordinansa tungkol sa pamamahala ng mga evacuation centers, kung saan ang mga pangunahing probisyon ay kinabibilangan ng pagpapatupad ng liquor ban at pagpapatupad ng curfew hours sa loob ng 7 evacuation centers.