Naka angkon it tama it pagbuno sa dughan ru 14 anyos nga menor de edad matapos bun-on it suspek sa Purok 5 C. Laserna St., Kalibo, Aklan.
Sa report, sangka tawag sa telepono ru nabaton it Kalibo MPS halin sa sangka concerned citizen ng anaga imporma nga may natabong commotin sa lugar.
Eagi man nga gin respondehan it Kalibo MPS.
Sa imbistigasyon, nakilaea ru suspek nga si Jomar Calixtro, Alyas Toktok, 18 anyos ag residente it Purok 6 C. Laserna St., Kalibo, Aklan.
Sa gin himo nga man hunt operation it Kalibo MPS, na aresto ru suspek ag sa makaron naka kulong sa Kalibo locked-up cell para sa naga kaigo nga disposition.//MARIVIC Y. ILIN