Ginbawian sang kabuhi ang isa ka menor de edad nga lalaki sa adlaw mismo sang huwebes santo matapos nalumos sa suba nga sakop sang Barangay Balatucan, Panitan, Capiz.
Ang wala ginhingadlan nga biktima, nagapang edaron sang 16-anyos, isa ka Grade 11 Student kag residente sang Barangay San Agustin, sa banwa sang Dumalag.
Sandig sa impormasyon nga nakuha sang Brigada News Team, kaupod sang biktima ang iya mga pakaisahan kun sa diin naghagaday ang mga ini nga magpaligo sa nasambit nga lugar.
Samtang nagapaligo na ang mga ini, ginkatingala sang mga kaupdanan sang biktima nga hinali lang nadula sa tubig ang amo nga solterito.
Gilayon nga nagresponde kag nagpatigayon sang search and rescue operation ang Panitan Emergency Response Team.
Ginpadangat pa sa Bailan District Hospital ang biktima apang gindeklarar ini sang doktor nga dead on arrival. | KMD Gicalde