LEGAZPI CITY – Maikokonsiderar kan Public Safety Office (PSO) Legazpi na magabat na challenge para sa sainda an pagpapabago sa pag-iisip kan mga pasaway o madudunong na drivers sa syudad.
Sa intrevista kan Brigada News FM Legazpi kay PSO Chief Ret. Col. Rolly Esguerra, sinabi kaini na may mga drivers pa sa syudad na dai tatao mag-otob sa ley na may kinaraman sa trapiko, pati man itong mga warang respeto as kapwa driver.
Segun saiya, iyo ini an kadalasang nagkakawsa ki mga trapiko sa tinampo.
Apwra kaini, dakol su boot an wara ki respeto sa pedestrian lane, kun sain, an iba basta sanang minaparada digdi, o kaya minaparada sa mismong atubangan kan mga etablisimento na nakakaulang sa mga maaragi.
An mga siring kaini, dapat mabago segun kay Esguerra.
Sinabi pa niya, nasosolusyunan man an siring na problema, kun igwa sanang disiplina.