NANGHINAOT ang mga naapektuhan sa African Swine Fever sa Purok San Lorenzo Ruiz barangay Apopong, Gensan nga madayon na og hatag kanila ang gisaad sa LGU nga P100.
Segon ni Ivan Valencia, usa sa 66 nga naapektuhan sa culling kaniadtong nakalabay nga tuig nga positibo silang mahatagan og katumanan ang maong saad aron nga makatabang kanila nga mga naglisod.
Dugang pa niini nga naglisod sa pagbangon ang mga apektadong residente tungod sa kulang og financing sa subling pagbuhi og baboy.
Samtang sa hisgotanan nga subling pagbuhi og baboy, gipaniguro niini nga sila ang adunay patakaran sa maong lugar nga bawal una makasulod ang baboy nga gikan sa gawas gumikan sa ilang pag-amping nga subling masudlan og ASF.
Gipaklaro niini nga may mga binuhing baboy sa palibot sa purok nga sarang maihaw o mapalit kon ugaling nga adunay okasyon. I Danny Casi