KALIBO, AKLAN—Lampas 5,000 eon do nailistang nagmayad matapos i-guon it deadly virus sa probinsya it Aklan.
Base sa datos it Aklan Provincial Epidemiology and Surveillance Unit (PESU), nagaabot eon do total recoveries sa 5,071 matapos madugangan it 100 kahapon.
Samtang, 144 man do nailistang panibagong kaso kahapon dahilan para humampak eon sa 6,425 do total confirmed cases sa probinsya kung siin 1,216 do aktibong kaso nga do 1,007 hay naka-facility quarantine, 108 hay naka-home quarantine ag 101 do admitted sa ospital ay may una man nga daywang dumugang sa COVID-19 related deaths ngani nga sumampa eon raya makarun sa 138.
Nasayuran nga sa pinakaulihing datos, do Aklan hay padayon nga nagasaka do trend it COVID-19 cases sa nakataliwan nga domingo ag ginbutang sa idaeom it high-risk areas ngani nga ginaeauman eon it Provincial IATF nga igabutang sa Modified Enhanced Community Quarantine do probinsya pagkatapos it July 22, 2021. // SHERRY ANNE REUNIR-VIDAL