ANG kalamboan sa GenSan, kalambuan usab sa mga pamilya nga naglisod ning panahuna.
Kini ang gipasibaw sa pipila ka residente nga nahimamat sa panon sa partidong Achievement With Integrity Movement kun AIM sa ilang gipahigayong Kapehan miaging buntag sa pagpanguna ni Brigada Elmer V.Catulpos.
Segun sa usa ka 51-anyos nga inahan nga bisan sa ilang kalisod tungod mananagat ang iyang bana ug siya ang na-stroke, dili gayud paigo ang ilang kita.
Apan wala sila nawad-a og paglaom ug padayung gapaningkamot alang sa ilang pamilya nga sa umaabot nga adlaw, matuman ang ilang mga damgo.
Mao usab si Nanay Cecilia, nga may walo ka anak ug usa ka biyuda apan madasigon pa gihapon nga nakigbisog sa kinabuhi bisan sa kalisod.
Luyo nga nag-inusarang ginaatiman ang pamilya, padayun kining gapaningkamot ug gabarug alang sa maayong kaugmaon sa mga anak.
Sa damgo nga kalambuan ni Brigada Elmer alang sa GenSan, nanghinaut ang mga nahisgutan nga sila ang maambitan usab. Mao nga maayo matud pa nga may maayong mudumala sa dakbayan aron nga maangkon ang kalambuan ug maayong panginabuhi sa mga katawhan.