CEBU- Muabot sa 60 ka mga opisyal sa Sugbo ang nipirma ug manifesto isip pagpakita og suporta kang Department of Tourism (DOT) Secretary Christina Garcia-Frasco taliwa sa mga kontrobersiya nga giatubang niini.
Naglakip kini sa pipila ka mga sakop sa House of Representatives sa distrito sa Sugbo, mga mayor sa siyudad ug munisipalidad, ug ingon man mga konsehal.
Kasagaran sa mga opisyal sa Sugbo nilagda sa unom ka pahina nga manifesto gawas lang nila ni Cebu City – North District Rep. Rachel ‘Cutie’ Del Mar ug Danao City Mayor Thomas ‘Mix’ Durano.
Kahinumduman nga ning bag-ohay lang gipagawas sa DOT ang bag-ong slogan niini nga “Love the Philippines” nga nakakuha og managlahi nga komento.
Apan ang Hunta Probinsyal niduso og resolusyon sa pagsuporta sa bag-ong slogan ug nanawagan sa mga Sugboanon sa pagsuporta kang Frasco ug sa DOT.//