Gibutyag ni Police Lieutenant Colonel Gerard Ace Pelare, tigpamaba ni Brigadier General Anthony Aberin, direktor sa Police Regional Police Office-7 nga adunay na-monitor nga private armed group ang Negros Oriental Provincial Police Office nga sakop sa PRO-7.
Hinoon nipahigayon na ang kapulisan ug imbestigasyon kabahin niini diin pipila ka mga miyembro sa maong private armed group ang nadakpan na ug ang uban gipangita pa.
Matud ni Pelare nga giingong dili organized private armed group ang ilang namonitor apan dili sila mokompiyansa diin adun sila’y team nga gi-umol nga maoy mututok niini ilabina nga nagkaduol na ang lokal nga piniliay.
Una niini, adunay public hearing nga gipahigayon ang Commission on Elections (COMELEC)-7 sa Probinsiya sa Negros Oriental aron pagkuha sa baroganan sa mga taga-Negros ug sa mga stakeholders mahitungod sa postponement sa Barangay ug Sangguniang Kabataan elections sa probinsiya.//