Nakadawat na sailang first dose batok Covid-19 ang 578 ka mga Person Deprived of Liberty (PDL) sa male dorm sa Digos City District Jail samtang 39 usab ka mga babayeng PDL ang nabakunahan.
Gitino ni Jail Insp. Reynaldo Putong Sr., officer -in- charge sa district jail, nga mukabat sa 605 ang tibuok populasyon sa male dorm diin 94 percent niini ang nakadawat na sailang first ug second dose.
Dugang niya nga ang pagbakuna sa nahisgutan, gipahigayon sa multi-purpose gym sa Digos pinaagi sa Provincial Health Office (PHO) ug Philippine Red Cross (PRC) aron malikay ang mga PDL nga mataptan sa maong virus ilabi na bisan kinsa usab ang naga bisita kanila.
Dako usab ang pasalamat sa mga opisyal sa jail ngadto sa mga vaccination team alang sailang serbisyo.
