Kaso ang atubangon sa management sa upat ka tourism establishment sa Dahican Beach sa Mati City Davao Oriental tungod sa kalapasan sa minimum public health standards.
Kini human naglusad og grand opening ang Shrimparty food stall nga gipanag-oyahan sa usa ka Johan Calderon luyo nga wala kini gihuptang permit gikan sa Mati Incident Management.
Nasuta usab nga walay business permit ang Shrimparty Food Stall nga gilayong giisyuhan og citation ticket tungod usab sa wala natuman nga social distancing sa mga kustumer ug walay soot nga facemask.
Samtang lain pang tulo ka establisyemento ang gipang isyuhan og citation ticket sa paglapas sa City Ordinance 427 o ang Disiplina Panahon sa Pandemya Ordinance — Tiendahan Food Court, Frynally, ug Josh Snack haus.
Ang mga establishment owners gitambagan nga hikutaron ang mga multa sa City Treasurer’s Office sulod sa lima ka adlaw. BNFM-Davao
