Duha lang ka mga sugarol ang nadakpan sa kapulisan sa Ampayon Police Station human naglumba pagpanagan palayo ang mga kaubanang sugarol nga nitambong sa nahitabong sabong diha sa P-8, Brgy. De Oro, Butuan City sa nakalabay’ng alas – 11:30 sa udto.
Ang mga nadakpan naglangkob nila Nicasio Delfin Jamero, 57 anyos, balo, walay trabaho, nagpuyo sa P-1D Brgy. Antongalon ug Nemuel Noval Jagonos, 37 amyos, dunay kapuyo, vendor, ug nagpuyo sa P-4 Brgy. De Oro pulos sakop ning siyudad.
Nasayran nga nakadawat ang kapulisan ug taho gikan sa isa ka concern citizen mahitungod sa illegal nga kalihokan hinungdan nga daling girespondihan.
Di mo ubos sa 40 ka mga indibidwal ang na abtan apan duha lamang ang ilang nadakpan.
Nakompiska sa otoridad ang nagkadaiyang illegal gambling paraphernalia ug 5 ka manok panabong.
Kasong paglapas sa Presidential Decree No. 1602 kun Illegal Gambling ang atubangon sa mga nahisgotan.