Gipasalig sa tibuok pwersa sa 4th infantry division philippine Army nga padayon nilang pakusgan ang kampanya batok sa komunistang grupo aron mapabilin ang kalinaw ug seguridad sa ilang gihuptan nga area of responsibility.
Kini ang gibutyag ni 4th ID Spokesperson Major Francisco Garello isip pagpadayon sab sa gihingusgan ni Division Commander Major General Romeo Brawner Jr. nga gitudlo isip bag-ong commanding general sa Philippine Army.
Nalakbitan sab kini nga pasalig tungod nakita sa katawhan ug sa mga naglingkod nga dagkong opisyal sa gobyerno ang pagpaningkamot ni Major General Brawner sa pagdumala sa operasyon batok sa walhong pundok nga maoy rason nga neutralized o napatay sa operasyon ang pinakataas nga lider sa New People’s Army nga si Jorge Ka-Oris Madlos.