MAKASUROY na sa iyang kabanay ug silingan si Nanay Rosemarie nga taga Zone 3, Brgy.Fatima human nga nahatagan og wheelchair human nga alanganin kining maglakaw lakaw human ma-stroke tungod sa hypertension.
Matud niini nga kung molakaw kini mukuko ang iyang tuhod mao nga gibuhatan sa iyang bana og kahoy nga mahimo niining kaabag sa iyang pag-adto sa CR ug sa pagtindog.
Tungod sa hangyo nga wheelchair aron adunay magamit sa paggawas sa ilang balay, gidungog kini sa mga miyembro sa KaBrigadahan GenSan.
Mismo si Brigada Elmer V. Catulpos ang mihatod sa wheelchair sa balay ni Nanay Rosemarie ug iyaha kining hugot gikalipay.
Gipasalamatan niini si Catulpos ug sa mga miyembro sa KaBrigadahan. Kanunay nga ginapasalamatan usab ni Catulpos ang mga miyembro sa ilang pagtinabangay ug gitawag niya kining bayani.