Arestado ang isa ka mister matapos ginserbihan sang mga kapulisan sang warrant of arrest sa Pueblo de Panay Brgy. Lawaan, Roxas City, Abril 8, 2024.
Ginkilala ang akusado kay alyas Ronnie, 28-anyos, isa ka delivery hub officer
kag residente sang Homesite, Barangay Lawaan, Roxas City.
Nagapangatubang ini sang kaso nga paglapas sa City Ordinance No. 022-2023 nga “No Helmet,No Driving”.
Ang warrant of arrest ang gin-isyu kag ginpirmahan ni Hon. Kathleen G. Delantar, Presiding Judge, MTCC, Branch 2, Roxas City napetsahan Abril 5, 2024 with, 6th
Ginrekomendar sang korte ang piyansa nga P3,000 para sa iya temporaryo nga kahilwayan.
Sa karon, nagapabilin ini sa kustodiya sang Roxas City PNP para sa nagakaigo nga disposisyon. | Ken Mark Gicalde