Nagpahimangno karon ang lokal nga panggamhanan sa Island Garden City of Samal (IGACOS) ngs dili makadawat og benipisyo ang mga indibidwal ug uban pang stakeholders nga mubalibad sa pagtabang sa ginahimong aggressive community testing.
Kini human gimando sa IGACOS LGU ang pagpailawum sa libreng RT-PCR Swab Testing ang tanang mga public transport uh delivery services drivers, market vendors, resorts/commercial ug tourism establishment workers, mga transient employees, ug high risk individual sa COVID-19 transmission base sa assessment sa City Health Office.
Subay sa gipagawas nga Executive Order 287 ni IGACOS Mayor Al David Uy sa milabayng semana, mamahimong balibaran sa lokal nga gobyerno ang hospitalisasyon ug benepisyong medical ug social program sa si kinsa mang mobalibad sa aggressive community testing.
Samtang ang mga business establishment usab nga dili mokooperar, posibleng dili dawaton ang ilang aplikasyon ug ang renewal sa ilang business permits ug market stall contracts sulod sa duha ka tuig o posible pa nga iterminate ang permit sa negosyo niini.
Naaayrang ilusad ang testing gikan Lunes hangtud Sabado sa alas 8:30am- 3:00 pm sa Samal Island City College (SICC) Tent Area sa Old City Hall, Brgy. Peñaplata, IGACOS, ug ubang testing area nga pangunahan sa CHO.
Giklaro uisab sa EO nga dili kinahanglan ipailawum sa quarantine ang gipaialwum sa swab test samtang naghulat sa resulta nga mahibaluan sulod sa 3-5 adlaw. BNFM-DAVAO