Nakapunit ug kwarta sa SRP nga dili mu-uli kasohan sa kapulisan

CEBU CITY- Padayon ang paghangyu sa kapulisan sa Cebu City Police Office (CCPO) sa mga tawo nga namunit sa kwarta nga nanglupad sa dalan sa South Road Property nga iuli kini aron wala sila’y atubangon nga tulubagon sa balaod.

Matud ni Police Colonel Ireneo Dalogdog, direktor sa CCPO nga makita sa videos ingon man sa CCTV footage ang mga nawong sa mga tawo nga namunit sa kwarta ug ingon man ang mga plate number sa sakyanan.

Subay niini, gi-imbestigahan na karun sa mga otoridad ang kuha sa CCTV arun mailhan ang mga tag-iya sa maong mga sakyanan.

Sa pagkakarun ang mga imbestigador nakig-alayon na sa Land Trasportation Office (LTO)-7 alang sa pagsubay sa mga sakyanan ug mga motorista.

Gipahibawo usab ni Dalogdog nga ang dili boluntaryong mo-uli sa kwarta nga gipangkuha posibling pasakaan ug kaso sanglit makonsiderar kining pagpangawat.//