BOHOL –Nidoble ang ihap sa mga turista nga nangabot sa probinsya sa Bohol sa unang lima ka buwan karung 2023 samtang ang industriya sa turismo sa nasud nagpadayon sa pagbangon gikan sa pandemic-induced slump.
Base sa datos sa Bohol Tourism Office adunay kinatibuk-ang 326,306 ka mga turista ang nangabot gikan sa buwan sa Enero hangtod Mayo ning tuiga.
Diin nagpasabot kini nga niabot ug 129 porsyento ang pagtaas sa tourist arrivals sa probinsya kung itandi sa 158,014 sa susamang mga buwan niadtong 2022.
Matud ni Jo Cabarus ang hepe sa Bohol Tourism Office nga ang pagsaka sa mga turista nga nangabot sa ilang lugar tungod sa pagpadayon sa mga international flights sa Bohol Panglao International Airports (BPIA).
Sa natala sa datos sa BTO, ang top tourism market sa Bohol mao ang mga Koreans ug gisundan kini sa mga taga Taiwan, USA, China ug France.//