Naserbe na sang Provincial Legal Office ang ‘formal charge’ batok kay Atty. Annabelle Palic, nagapamuno sang Human Resource Management Office (HRMO) sang kapitolyo probinsyal sang Negros Occidental.
Ginpahayag ni Provincial Legal Officer Atty. Alberto Nellas Jr. tatlo ka adlaw ang ginhatag sang iya nga talatapan para kay Atty. Palic sa pagsumiter sang dugang nga mga ebidensya ukon sa pagsumiter sang position paper para sa pagpatigayon sang pormal nga hearing angut sa gin-file nga formal administrative complaint sang Progressive Alliance of Capitol Employees ukon PACE sa talatapan ni Governor Eugenio Jose Lacson sa isyu sa gin-aligar nga acts of oppression, prejudicial to public interest kag grave abuse of discretion sadtong nagligad nga Hulyo 6, 2021.
Suno kay Nellas, nakasumiter sang dokumento si Palic apang ini ang para sa motion for extension nga 15 ka adlaw nga iya ginpangayo agud tun-an kag masabat niya ang nasambit nga pormal nga panumbungon nga ginpapana-og.