Arestado ro number 1 most wanted person sa banwa it Libertad, Antique sa mismong residensya kara sa Barangay Maramig, Libertad agahun it September 6, 2022.
Ginkilaea ro subject nga si Transroen Maglantay y Ebon, seafarer, single ag 28 anyos.
Ro warrant of arrest ni Maglantay hay gin isyu ni Honorable Josefina Fulo Muego, Presiding Judge, Regional Trial Court, Sixth Judicial Region, Branch 13, Culasi, Antique para sa pag eabag sa Republic Act 7610 o Special Protection of Children Against Abuse, Exploitation and Discrimination Act nga may petsang August 25, 2022.
May ginrekomenda nga piyansa nga P180,000 para sa temporaryo kara nga kahilwayan.
Base sa report, nag-ugat ro warrant sa reklamong ginpasaka kontra sa subject person ku 2014.
Presenteng sa kustodiya it Libertad Municipal Police Station ro akusado para sa dokumentasyon bago ro turnover sa korte. / ANN DESLENE SALAZAR