LEGAZPI CITY – Pormal nang naitayo ang Office of Presidential Management Staff, Sub-Central Office – Southern Luzon Building sa DPWH Regional Equipment Services Region V Compound, Legazpi City.
Ayon sa Department of Public Works and Highways (DPWH) Bicol, ang Office of Presidential Management Staff ay isang ahensya na naka-attach sa Malacañang na may tungkuling pamahalaan ang pagbuo at pagbabalangkas ng mga proyekto at patakaran ng Office of the President.
Ang new normal na mayroong tatlong palapag na gusaling ito ay nakonsepto at idinisenyo ng DPWH Albay 2nd DEO sa ilalim ng pamumuno ni District Engineer Warren Azotea.
Ang disenyo ng honeycomb framing nito, na nakapagpaalaala sa mga lokal na buri o rattan basket ay inilagay hindi lamang para sa aesthetic na layunin kundi para sa tibay ng istruktura.
Ito ang unang gusali ng gobyerno na mayroong base isolation at seismic damper system bilang proteksyon sa lindol.
Ang gusaling ito ay magsisilbing daan para sa pamahalaan upang mas mahusay na mapaglingkuran at maabot ang mga mamamayang Pilipino sa antas ng katutubo sa pamamagitan ng pinahusay na pagpapatuloy ng serbisyo publiko at inter-agency partnerships sa paghahatid at pagpapatupad ng iba’t ibang programa ng gobyerno, tulad ng Toll Road 5 at PNR South Long Haul Project at lalo na sa mga oras ng emerhensiya at sakuna.