BORACAY, ISLAND—Matapos do sang dag-on nga pag-alaga umpisa nga ginbuto, ginbalik eon sa dagat do juvenile Olive Ridley turtle sa bahin it Puka beach sa isla it Boracay.
Raya hay may curved carapace nga nagahaba it 32 sentimetro, nagaabot sa 34 sentimetro do kaeaparon at nagabug-at it tatlong kilo kung siin raya man do unang insidente it nasambit nga turtle species nga napangitlog ag ginhilway sa kaeawuran.
Samtang suno man kay Director Francisco Milla Jr., it Department of Environment and Natural Resources Office (DENR) Region 6 do isla it Boracay hay makabig nga “turtle haven” bangud nga may nauna eon nga nailista nga nagpangitlog nga hawksbill ag green sea turtle sa isla.
Angot kara, ginpadumdom man ni Milla do publiko nga do pinakamayad nga pamaagi para nga alagaan ag protektahan do wildlife species eabi eon do mga sea turtle hay do pabay-an do mga raya nga magkabuhi sa andang natural habitat. // SHERRY ANNE REUNIR-VIDAL