PADAYUN nga magsaba saba ang grupong Association of Progressive Labor kun APL-Socsargen batok sa open pit mining operation sa region-12.
Kini ang gihingusgan ni Herbert Demos, environmental advocates ug presidente sa APL-Socsargen human nadunggan ang pagbisita ni DENR Sec. Roy Cimatu ug bitbit ang pagtugot sa national government alang sa open pitm mining sa Tampakan, South Cotabato.
Segun ni Demos nga hugot gayud siya gasupak sa open pit mining tungod maguba ang watershed area sa South Cotabato ug daghang lugar ang apektado, lakip ang GenSan nga maoy catch basin sa tanang hugaw gikan sa pagmina hinungdan apil maapektuhan ang suplay sa tubig, panginabuhian sa mga mananagat ug bisan sa mga ma-displace nga katawhan palibot sa minahan.
Angayang maproteksyunan ang kinaiyahan ug sa panglawas sa katawhan hiungdan nga ilahang pakusgon ang peoples initiative ug advocacy aron sila paminawan.
Dili lang usab angayang hunahunaon nga makakwarta apan lantawon ang mahimong maluntarong epekto sa pagmina sama sa mga mahitabong natural calamities ug sa pagsamot sa climate change.
Panawagan na lamang ni Demos karong nagkaduol na ang eleksyon kinahanglang pilion sa botante ang mga pulitiko nga gasuporta sa pag-amping sa kinaiyahan.