GIPAUNDANG sa mga otoridad ang operasyon sa gi-alegar nga treasure hunting activity sa Purok 11 Over View, Lantong Apopong ning siyudad.
Kini human nga posibleng mamahimong bahad sa siguridad sa mga Person Deprived Of Liberty o PDL sa BJMP Gensan.
Gibutyag ni PMaj. Robert Fores nga kauban ang presensya sa CENRO Gensan ug BJMP nga nag inspeksyon og nasuta nga positbong may mga yuta nga gipakalot sa maong dapit.
Nasuta nga usa ka pastor ang nanguna sa maong iligal na aktibidad ug wala matud pa’y mga saktong dokumentro gikan sa Environment Office sa pagpahigayon niini.
Sumala usab ni Jsupt Reuben D Olivo ang Jail Warden sa Lanton City Jail nga usa kini ka dakong bahad sa seguridad sa mga PDL ug ila lamang gilikayang himuon kining oportunidad sa mga piniriso nga makagawas sa ilang pasilidad tungod anaa lamang sa 50 metros ang kalay-on niini gikan sa ilang pasilidad.
Una na matud pang gihimakak sa pastor nga iligal treasure hunting ang ilang gihimong pagkalot sa yuta inay, gamiton matud pa kini alang sa pag butang og water deep well. Tungod niini gitahatagan og pito ka adlaw nga ultimatum si Pastor Clam nga tabunan ang gibana-banaang anaa sa 130 ft kalawmon nga yuta nga gipakalot sa maong lugar. MJ FERNANDEZ