GIPAHIBALO ni Josephine Mendoza labaw sa Office of the Senior Citizen’s Affair (OSCA) ang tanang edaran nga wala pa makakuha sa ilang P2,000 nga birthday cash incentives mamahimo nang moadto karong adlaw Abril 20 sa opisina sa OSCA bag-o ang holiday sa Abril 21 kalabutan sa Eid al-Fitr.
Magdala matud pa og Senior citizen’s ID sa pag-claim aron dili malangay. Ug ang dili makakuha karon nga adlaw puwede mobalik sa sunod semana sugod Abril 24.
Bugtong ang mga edaran nga nagsaulog sa ilang adlawng natawhan bulan sa Enero ang makadawat sa maong cash gift.
Kahibaloan Abril 18 gisugdan ang releasing sa cash gift sa liboan nga mga senior citizen sulod sa usa ka mall sa GenSan, ug aminado si Mendoza nga duna gihapon pipila nga wala makaadto tungod sa managlaing hinungdan. I Enamie Mogpon