GIBUTYAG sa Philippine Statistics Authority (PSA)-Sarangani nga mikunhod ang inflation rate sa Sarangani Province ug GenSan sa bulan sa Marso 2023.
Kini segun ni PSA-Sarangani Chief Statistical Specialist Ismael Ramos Jr. asa ang inflation rate sa GenSan mikunhod gikan sa 6.9 percent ngadto na sa 6.7 percent.
Samtang sa Sarangani Province, gibutyag ni PSA-Sarangani Supervising Statistical Specialist Marifi de Asis nga ang March inflation rate nikunhod sa 8.7% gikan sa 9.1% kaniadtong Pebrero.
Gipresenta sa Philippine Statistics Authority kun PSA-Sarangani Provincial Statistical Office ang maong latest data niadtong Abril 18 atol sa Press Conference sa March 2023 Inflation Rates of General Santos City and Sarangani Province nga gipahigayon sa GenSan.
Butyag ni De Asis ang pagkunhod sa inflation rate sa Sarangani Province sa bulan sa Marso ang tungod sa ubos nga annual growths sa transport index sa 1.5 percent gikan sa 5.35 percent niadtong Pebrero.
Ang “housing, water, electricity, gas, and other fuelsa” ang sunod nga tinubdan sa pagkunhod sa
March inflation sa 2.1% ning bulana gikan sa 2.9% niadtong Pebrero.