NAKAHATAG og kinatibuk-ang P12 million pesos ang KaBrigadahan GenSan ngadto sa kapin 3,000 ka mga miyembro nga nanginahanglan og tabang ning tuiga.
Kini ang gikumpirma ni Brigada Elmer V.Catulpos nga sukad niadtong Abril nga pagsugod sa programa natigom ang maong hinabang wala pay labot ang naambag sa Brigada Group.
Matud ni Catulpos nga pinaagi sa singko singko sa mga miyembro natabangan ang mga nanginahanglang miyembro alang sa ilang pagpaospital ug mortuary assistance, gawas pa sa paghatag og wheelchair ug ubang matang sa hinabang natigom ang maong kantidad.
Miaging Sabado atol sa programa sa radyo ug tv sa Brigada, gipasalamatan sa Ama ng Brigada ang tanang mitabang labi na sa mga miyembro nga kanunayng ginatawag niining bayani tungod sa ilang pagtabang sa ilang isig katawo.
Sa musunod nga duha ka Sabado, nga mao ang adlaw sa Pasko ug Enero 1, walay programa sa radyo ug tv ang KaBrigadahan.
Alayun niini, mihatag og pag-ampo ug pagtimbaya si Brigada Elmer V. Catulpos sa tanang miyembro ug mga katawhan sa GenSan alang sa kasaulogan sa Pasko ug sa pagsulod sa bag-ong tuig, nga ang tanan makaangkon na og kaharuhay sa kinabuhi.