ALTAVAS, AKLAN – Makabig nga sangka mabahoe nga kadaeag-an kontra sa drug trafficking ro pagka aresto it mga otoridad sa sangka high-valued individual, nga ginkilaea kay Alias Japeth, ku agahun it March 18, 2024.
Ro operasyon nga ginpatigayun it gintingob nga pwersa it Altavas MPS, ACOP, PDEU-Aklan ag RDEU 6, hay nagresulta sa pagkakumpiska it haeos 100 grams it suspected shabu, nga may street value nga kapin sa P800,000.
Ro pag aresto hay natabo sa Brgy. Cabangila, Altavas, Aklan kung siin, sangka 27 anyos ro suspek nga taga Iloilo City ag sa kustodiya eon makarun it Altavas PNP.
Sa buy-bust operation, gintao it suspek ro suspected shabu sa sangka poseur-buyer kabaylo it buy-bust money.
Nakarekober pa ro mga otoridad it dugang nga 11 plastic sachets it suspected shabu, P22,500 kaeakip eon ro buy-bust money ag iba pang non-drug items.
Ro pagka-sakote sa suspek hay sangka mabahoe nga pagkalugi sa mga lokal nga operasyon it pagduso it droga.
Ginpahayag ni PCol Romanillos nga ro Aklan PNP hay padayun nga nagatinguha nga magpabilin nga salbar ro komunidad. // ANN DESLENE SALAZAR