SAPUL sa CCTV camera ang paglimas sa mga kawatan sa halin sa usa ka tindahan nga namaligya og surplus nga sakyanan sa GenSan.
Sa unang bidyo, makita ang pagkuha og pagbutang sa bag sa duha ka lalaki sa salapi nga naa sa drawer sulod sa opisina sa tag-iya sa namaligya og surplus sa sakyanan sa National Highway, Barangay Sinawal, GenSan. Sa ikaduhang bidyo, didto nakita ang paggawas sa mga tulisan sa establisimento og pagsibat sa duha sakay sa usa ka motorsiklo.
Matud ni Police Col. Nicomedes Olaivar Jr., director sa GenSan City Police Office (GSCPO) naa sa P500,000 ang nadagit sa mga tulisan sa establisimento nga gipanag-iyahan sa usa ka Pakistani national. Gikumpirma usab sa opisyal nga batan-on ang mga nanulis base sa kuha sa CCTV ug nagtuo kini nga duna dunay handler ang mga nanulis.
Sa imbestigasyon, wala usab gipadaplin sa mga pulis ang ‘inside job’ tungod bag-o ang pagpanulis dunay bag-ong sakyanang naabot.
Lakip ang unang higayon sa establisimento nga naka-income og P500,000. Sa GenSan, kini na ang ika-upat ka higayon nga natala ang insidente sa pagpanulis karong tuiga. I Richel Gubalani