NAGA CITY- Sisimulan na ng lokal na pamahalaan ng Naga at ng vaccination team ang pag-iikot sa mga pampublikong paaralan target bakunahan kontra sa COVID-19 ang mga batang edad 5-11 anyos.
Ayon kay Naga Central School I (NCS I) Principal Frederick Baldoza , malaking bagay ito para sa proteksyon ng mga bata lalo na sa inaasahang paparating na full implementation ng face-to-face classes sa Agosto 2022.
Ayon kay Baldoza , bukas Hunyo 21 venue na ang kanilang paaralan , nasa 100 na estudyante ng NCS I ang inaasahan pero bukas din para sa mga taga Peñafrancia , Bagumbayan Sur at ibang kalapit barangay.
Una nang sinabi ng LGU Naga na nagdodoble kayod pa sila sa pagbabakuna sa nasabing age group dahil mababa pa ang bilang ng nababakunahan.